Shiva Aparadha Kshamapana Stotram Lyrics in English – Bhakti Bharat Ki

Shiva Aparadha Kshamapana Stotram Lyrics in English –

 

Credit the Video: Various Artists – Topic by Isha Music YouTube Channel

Shiva Aparadha Kshamapana Stotram

Shiva Aparadha Kshamapana Stotram Lyrics in English

॥ Shiva Aparadha Kshamapana Stotram ॥

Adau Karmaprasangatkalayati Kalusam Matrkuksau Sthitam Mam
Vinmutramedhyamadhye Kathayati Nitaram Jatharo Jatavedah ।
Yadyadvai Tatra Duhkham Vyathayati Nitaram Sakyate Kena Vaktum
Ksantavyo Me’paradhah Siva Siva Siva Bho Sri Mahadeva Sambho ॥1॥

Balye Duhkhatireko Malalulitavapuh Stanyapane Pipasa
No Saktascendriyebhyo Bhavagunajanitah Jantavo Mam Tudanti ।
Nanarogadiduhkhadrudanaparavasah Sankaram Na Smarami
Ksantavyo Me’paradhah Siva Siva Siva Bho Sri Mahadeva Sambho ॥2॥

Prauḍho’ham Yauvanastho Visayavisadharaih Pancabhirmarmasandhau
Dasto Nasto’vivekah Sutadhanayuvatisvadusaukhye Nisannah ।
Saivicintavihinam Mama Hrdayamaho Managarvadhiruḍham
Ksantavyo Me’paradhah Siva Siva Siva Bho Sri Mahadeva Sambho ॥3॥

Vardhakye Cendriyanam Vigatagatimatiscadhidaivaditapaih
Papai Rogairviyogaistvanavasitavapuh Prauḍhahinam Ca Dinam ।
Mithyamohabhilasairbhramati Mama Mano Dhurjaterdhyanasunyam
Ksantavyo Me’paradhah Siva Siva Siva Bho Sri Mahadeva Sambho ॥4॥

No Sakyam Smartakarma Pratipadagahanapratyavayakulakhyam
Sraute Varta Katham Me Dvijakulavihite Brahmamarge’susare ।
Jnato Dharmo Vicaraih Sravanamananayoh Kim Nididhyasitavyam
Ksantavyo Me’paradhah Siva Siva Siva Bho Sri Mahadeva Sambho ॥5॥

Snatva Pratyusakale Snapanavidhividhau Nahrtam Gangatoyam
Pujartham Va Kadacidbahutaragahanatkhanḍabilvidalani ।
Nanita Padmamala Sarasi Vikasita Gandhadhupaih Tvadartham
Ksantavyo Me’paradhah Siva Siva Siva Bho Sri Mahadeva Sambho ॥6॥

Dugdhairmadhvajyutairdadhisitasahitaih Snapitam Naiva Lingam
No Liptam Candanadyaih Kanakaviracitaih Pujitam Na Prasunaih ।
Dhupaih Karpuradipairvividharasayutairnaiva Bhaksyopaharaih
Ksantavyo Me’paradhah Siva Siva Siva Bho Sri Mahadeva Sambho ॥7॥

Dhyatva Citte Sivakhyam Pracurataradhanam Naiva Dattam Dvijebhyo
Havyam Te Laksasankhyairhutavahavadane Narpitam Bijamantraih ।
No Taptam Gangatire Vratajananiyamaih Rudrajapyairna Vedaih
Ksantavyo Me’paradhah Siva Siva Siva Bho Sri Mahadeva Sambho ॥8॥

Sthitva Sthane Saroje Pranavamayamarutkumbhake (Kunḍale)Suksmamarge
Sante Svante Praline Prakatitavibhave Jyotirupe’parakhye ।
Lingajne Brahmavakye Sakalatanugatam Sankaram Na Smarami
Ksantavyo Me’paradhah Siva Siva Siva Bho Sri Mahadeva Sambho ॥9॥

Nagno Nihsangasuddhastrigunavirahito Dhvastamohandhakaro
Nasagre Nyastadrstirviditabhavaguno Naiva Drstah Kadacit |
Unmanya’vasthaya Tvam Vigatakalimalam Sankaram Na Smarami
Ksantavyo Me’paradhah Siva Siva Siva Bho Sri Mahadeva Sambho ॥10॥

Candrodbhasitasekhare Smarahare Gangadhare Sankare
Sarpairbhusitakanthakarnayugale (Vivare)Netrotthavaisvanare ।
Dantitvakkrtasundarambaradhare Trailokyasare Hare
Moksartham Kuru Cittavrttimacalamanyaistu Kim Karmabhih ॥11॥

Kim Va’nena Dhanena Vajikaribhih Praptena Rajyena Kim
Kim Va Putrakalatramitrapasubhirdehena Gehena Kim ।
Jnatvaitatksanabhanguram Sapadi Re Tyajyam Mano Duratah
Svatmartham Guruvakyato Bhaja Mana Sriparvativallabham ॥12॥

Ayurnasyati Pasyatam Pratidinam Yati Ksayam Yauvanam
Pratyayanti Gatah Punarna Divasah Kalo Jagadbhaksakah ।
Laksmistoyatarangabhangacapala Vidyuccalam Jivitam
Tasmattvam (Mam)Saranagatam Saranada Tvam Raksa Raksadhuna ॥13॥

Vande Devamumapatim Suragurum Vande Jagatkaranam
Vande Pannagabhusanam Mrgadharam Vande Pasunam Patim ।
Vande Suryasasankavahninayanam Vande Mukundapriyam
Vande Bhaktajanasrayam Ca Varadam Vande Sivam Sankaram ॥14॥

Gatram Bhasmasitam Ca Hasitam Haste Kapalam Sitam
Khatvangam Ca Sitam Sitasca Vrsabhah Karne Site Kunḍale ।
Gangaphenasita Jata Pasupatescandrah Sito Murdhani
So’yam Sarvasito Dadatu Vibhavam Papaksayam Sarvada ॥15॥

Karacaranakrtam Vakkayajam Karmajam Va
Sravananayanajam Va Manasam Va’paradham ।
Vihitamavihitam Va Sarvametatksmasva
Siva Siva Karunabdhe Sri Mahadeva Sambho ॥16॥

॥ Iti Shrimad Jagadguru Adi Shankaracharya Kritha Shiva Aparadha Kshamapana Stotram Sampurnam ॥

***

शिव अपराध क्षमापन स्तोत्र

Shiva Aparadha Kshamapana Stotram Lyrics in Hindi

॥ शिव अपराध क्षमापन स्तोत्र ॥

आदौ कर्मप्रसङ्गात्कलयति कलुषं मातृकुक्षौ स्थितं मां
विण्मूत्रामेध्यमध्ये कथयति नितरां जाठरो जातवेदाः ।
यद्यद्वै तत्र दुःखं व्यथयति नितरां शक्यते केन वक्तुं
क्षन्तव्यो मेऽपराधः शिव शिव शिव भो श्री महादेव शम्भो ॥१॥

बाल्ये दुःखातिरेको मललुलितवपुः स्तन्यपाने पिपासा
नो शक्तश्चेन्द्रियेभ्यो भवगुणजनिताः जन्तवो मां तुदन्ति ।
नानारोगादिदुःखाद्रुदनपरवशः शङ्करं न स्मरामि
क्षन्तव्यो मेऽपराधः शिव शिव शिव भो श्री महादेव शम्भो ॥२॥

प्रौढोऽहं यौवनस्थो विषयविषधरैः पञ्चभिर्मर्मसन्धौ
दष्टो नष्टोऽविवेकः सुतधनयुवतिस्वादुसौख्ये निषण्णः ।
शैवीचिन्ताविहीनं मम हृदयमहो मानगर्वाधिरूढं
क्षन्तव्यो मेऽपराधः शिव शिव शिव भो श्री महादेव शम्भो ॥३॥

वार्धक्ये चेन्द्रियाणां विगतगतिमतिश्चाधिदैवादितापैः
पापै रोगैर्वियोगैस्त्वनवसितवपुः प्रौढहीनं च दीनम् ।
मिथ्यामोहाभिलाषैर्भ्रमति मम मनो धूर्जटेर्ध्यानशून्यं
क्षन्तव्यो मेऽपराधः शिव शिव शिव भो श्री महादेव शम्भो ॥४॥

नो शक्यं स्मार्तकर्म प्रतिपदगहनप्रत्यवायाकुलाख्यं
श्रौते वार्ता कथं मे द्विजकुलविहिते ब्रह्ममार्गेऽसुसारे ।
ज्ञातो धर्मो विचारैः श्रवणमननयोः किं निदिध्यासितव्यं
क्षन्तव्यो मेऽपराधः शिव शिव शिव भो श्री महादेव शम्भो ॥५॥

स्नात्वा प्रत्यूषकाले स्नपनविधिविधौ नाहृतं गाङ्गतोयं
पूजार्थं वा कदाचिद्बहुतरगहनात्खण्डबिल्वीदलानि ।
नानीता पद्ममाला सरसि विकसिता गन्धधूपैः त्वदर्थं
क्षन्तव्यो मेऽपराधः शिव शिव शिव भो श्री महादेव शम्भो ॥६॥

दुग्धैर्मध्वाज्युतैर्दधिसितसहितैः स्नापितं नैव लिङ्गं
नो लिप्तं चन्दनाद्यैः कनकविरचितैः पूजितं न प्रसूनैः ।
धूपैः कर्पूरदीपैर्विविधरसयुतैर्नैव भक्ष्योपहारैः
क्षन्तव्यो मेऽपराधः शिव शिव शिव भो श्री महादेव शम्भो ॥७॥

ध्यात्वा चित्ते शिवाख्यं प्रचुरतरधनं नैव दत्तं द्विजेभ्यो
हव्यं ते लक्षसङ्ख्यैर्हुतवहवदने नार्पितं बीजमन्त्रैः ।
नो तप्तं गाङ्गातीरे व्रतजननियमैः रुद्रजाप्यैर्न वेदैः
क्षन्तव्यो मेऽपराधः शिव शिव शिव भो श्री महादेव शम्भो ॥८॥

स्थित्वा स्थाने सरोजे प्रणवमयमरुत्कुम्भके (कुण्डले)सूक्ष्ममार्गे
शान्ते स्वान्ते प्रलीने प्रकटितविभवे ज्योतिरूपेऽपराख्ये ।
लिङ्गज्ञे ब्रह्मवाक्ये सकलतनुगतं शङ्करं न स्मरामि
क्षन्तव्यो मेऽपराधः शिव शिव शिव भो श्री महादेव शम्भो ॥९॥

नग्नो निःसङ्गशुद्धस्त्रिगुणविरहितो ध्वस्तमोहान्धकारो
नासाग्रे न्यस्तदृष्टिर्विदितभवगुणो नैव दृष्टः कदाचित् ।
उन्मन्याऽवस्थया त्वां विगतकलिमलं शङ्करं न स्मरामि
क्षन्तव्यो मेऽपराधः शिव शिव शिव भो श्री महादेव शम्भो ॥१०॥

चन्द्रोद्भासितशेखरे स्मरहरे गङ्गाधरे शङ्करे
सर्पैर्भूषितकण्ठकर्णयुगले (विवरे)नेत्रोत्थवैश्वानरे ।
दन्तित्वक्कृतसुन्दराम्बरधरे त्रैलोक्यसारे हरे
मोक्षार्थं कुरु चित्तवृत्तिमचलामन्यैस्तु किं कर्मभिः ॥११॥

किं वाऽनेन धनेन वाजिकरिभिः प्राप्तेन राज्येन किं
किं वा पुत्रकलत्रमित्रपशुभिर्देहेन गेहेन किम् ।
ज्ञात्वैतत्क्षणभङ्गुरं सपदि रे त्याज्यं मनो दूरतः
स्वात्मार्थं गुरुवाक्यतो भज मन श्रीपार्वतीवल्लभम् ॥१२॥

आयुर्नश्यति पश्यतां प्रतिदिनं याति क्षयं यौवनं
प्रत्यायान्ति गताः पुनर्न दिवसाः कालो जगद्भक्षकः ।
लक्ष्मीस्तोयतरङ्गभङ्गचपला विद्युच्चलं जीवितं
तस्मात्त्वां (मां)शरणागतं शरणद त्वं रक्ष रक्षाधुना ॥१३॥

वन्दे देवमुमापतिं सुरगुरुं वन्दे जगत्कारणं
वन्दे पन्नगभूषणं मृगधरं वन्दे पशूनां पतिम् ।
वन्दे सूर्यशशाङ्कवह्निनयनं वन्दे मुकुन्दप्रियं
वन्दे भक्तजनाश्रयं च वरदं वन्दे शिवं शङ्करम् ॥१४॥

गात्रं भस्मसितं च हसितं हस्ते कपालं सितं
खट्वाङ्गं च सितं सितश्च वृषभः कर्णे सिते कुण्डले ।
गङ्गाफेनसिता जटा पशुपतेश्चन्द्रः सितो मूर्धनि
सोऽयं सर्वसितो ददातु विभवं पापक्षयं सर्वदा ॥१५॥

करचरणकृतं वाक्कायजं कर्मजं वा
श्रवणनयनजं वा मानसं वाऽपराधम् ।
विहितमविहितं वा सर्वमेतत्क्ष्मस्व
शिव शिव करुणाब्धे श्री महादेव शम्भो ॥१६॥

॥ इति श्रीमद् शंकराचार्यकृत शिवापराधक्षमापण स्तोत्रं संपूर्णम् ॥

***

ଶିବ ଆପରାଧ କ୍ଷମାପଣ ସ୍ତୋତ୍ରମ

Shiva Aparadha Kshamapana Stotram Lyrics in Odia

॥ ଶିବ ଆପରାଧ କ୍ଷମାପଣ ସ୍ତୋତ୍ରମ ॥

ଆଦୌ କର୍ମପ୍ରସଙ୍ଗାତ୍କଲୟତି କଲୁଷଂ ମାତୃକୁକ୍ଷୌ ସ୍ଥିତଂ ମାଂ
ବିଣ୍ମୂତ୍ରାମେଧ୍ୟମଧ୍ୟେ କଥୟତି ନିତରାଂ ଜାଠରୋ ଜାତବେଦାଃ ।
ୟଦ୍ୟଦ୍ଵୈ ତତ୍ର ଦୁଃଖଂ ବ୍ୟଥୟତି ନିତରାଂ ଶକ୍ୟତେ କେନ ବକ୍ତୁଂ
କ୍ଷନ୍ତବ୍ୟୋ ମେଽପରାଧଃ ଶିବ ଶିବ ଶିବ ଭୋ ଶ୍ରୀ ମହାଦେବ ଶମ୍ଭୋ ॥1॥

ବାଲ୍ୟେ ଦୁଃଖାତିରେକୋ ମଲଲୁଲିତବପୁଃ ସ୍ତନ୍ୟପାନେ ପିପାସା
ନୋ ଶକ୍ତଶ୍ଚେନ୍ଦ୍ରିୟେଭ୍ୟୋ ଭବଗୁଣଜନିତାଃ ଜନ୍ତବୋ ମାଂ ତୁଦନ୍ତି ।
ନାନାରୋଗାଦିଦୁଃଖାଦ୍ରୁଦନପରବଶଃ ଶଙ୍କରଂ ନ ସ୍ମରାମି
କ୍ଷନ୍ତବ୍ୟୋ ମେଽପରାଧଃ ଶିବ ଶିବ ଶିବ ଭୋ ଶ୍ରୀ ମହାଦେବ ଶମ୍ଭୋ ॥2॥

ପ୍ରୌଢୋଽହଂ ୟୌବନସ୍ଥୋ ବିଷୟବିଷଧରୈଃ ପଞ୍ଚଭିର୍ମର୍ମସନ୍ଧୌ
ଦଷ୍ଟୋ ନଷ୍ଟୋ ବିବେକଃ ସୁତଧନୟୁବତିସ୍ଵାଦୁସୌଖ୍ୟେ ନିଷଣ୍ଣଃ ।
ଶୈବୀଚିନ୍ତାବିହୀନଂ ମମ ହୃଦୟମହୋ ମାନଗର୍ବାଧିରୂଢଂ
କ୍ଷନ୍ତବ୍ୟୋ ମେଽପରାଧଃ ଶିବ ଶିବ ଶିବ ଭୋ ଶ୍ରୀ ମହାଦେବ ଶମ୍ଭୋ ॥3॥

ବାର୍ଧକ୍ୟେ ଚେନ୍ଦ୍ରିୟାଣାଂ ବିଗତଗତିମତିଶ୍ଚାଧିଦୈବାଦିତାପୈଃ
ପାପୈ ରୋଗୈର୍ବିୟୋଗୈସ୍ତ୍ଵନବସିତବପୁଃ ପ୍ରୌଢହୀନଂ ଚ ଦୀନମ ।
ମିଥ୍ୟାମୋହାଭିଲାଷୈର୍ଭ୍ରମତି ମମ ମନୋ ଧୂର୍ଜଟେର୍ଧ୍ୟାନଶୂନ୍ୟଂ
କ୍ଷନ୍ତବ୍ୟୋ ମେଽପରାଧଃ ଶିବ ଶିବ ଶିବ ଭୋ ଶ୍ରୀ ମହାଦେବ ଶମ୍ଭୋ ॥4॥

ନୋ ଶକ୍ୟଂ ସ୍ମାର୍ତକର୍ମ ପ୍ରତିପଦଗହନପ୍ରତ୍ୟବାୟାକୁଲାଖ୍ୟଂ
ଶ୍ରୌତେ ବାର୍ତା କଥଂ ମେ ଦ୍ଵିଜକୁଲବିହିତେ ବ୍ରହ୍ମମାର୍ଗାନୁସାରେ ।
ଜ୍ଞାତୋ ଧର୍ମୋ ବିଚାରୈଃ ଶ୍ରବଣମନନୟୋଃ କିଂ ନିଦିଧ୍ୟାସିତବ୍ୟଂ
କ୍ଷନ୍ତବ୍ୟୋ ମେଽପରାଧଃ ଶିବ ଶିବ ଶିବ ଭୋ ଶ୍ରୀ ମହାଦେବ ଶମ୍ଭୋ ॥5॥

ସ୍ନାତ୍ଵା ପ୍ରତ୍ୟୂଷକାଲେ ସ୍ନପନବିଧିବିଧୌ ନାହୃତଂ ଗାଂଗତୋୟଂ
ପୂଜାର୍ଥଂ ବା କଦାଚିଦ୍ବହୁତରଗହନାତ୍ଖଂଡବିଲ୍ଵୀଦଲାନି ।
ନାନୀତା ପଦ୍ମମାଲା ସରସି ବିକସିତା ଗଂଧଧୂପୈଃ ତ୍ଵଦର୍ଥଂ
କ୍ଷନ୍ତବ୍ୟୋ ମେଽପରାଧଃ ଶିବ ଶିବ ଶିବ ଭୋ ଶ୍ରୀ ମହାଦେବ ଶମ୍ଭୋ ॥6॥

ଦୁଗ୍ଧୈର୍ମଧ୍ଵାଜ୍ୟୟୁକ୍ତୈର୍ଦଧିସିତସହିତୈଃ ସ୍ନାପିତଂ ନୈବ ଲିଂଗଂ
ନୋ ଲିପ୍ତଂ ଚଂଦନାଦ୍ୟୈଃ କନକବିରଚିତୈଃ ପୂଜିତଂ ନ ପ୍ରସୂନୈଃ ।
ଧୂପୈଃ କର୍ପୂରଦୀପୈର୍ବିବିଧରସୟୁତୈର୍ନୈବ ଭକ୍ଷ୍ୟୋପହାରୈଃ
କ୍ଷନ୍ତବ୍ୟୋ ମେଽପରାଧଃ ଶିବ ଶିବ ଶିବ ଭୋ ଶ୍ରୀ ମହାଦେବ ଶମ୍ଭୋ ॥7॥

ଧ୍ୟାତ୍ଵା ଚିତ୍ତେ ଶିବାଖ୍ୟଂ ପ୍ରଚୁରତରଧନଂ ନୈବ ଦତ୍ତଂ ଦ୍ଵିଜେଭ୍ୟୋ
ହବ୍ୟଂ ତେ ଲକ୍ଷସଙ୍ଖ୍ୟୈର୍ହୁତବହବଦନେ ନାର୍ପିତଂ ବୀଜମନ୍ତ୍ରୈଃ ।
ନୋ ତପ୍ତଂ ଗାଙ୍ଗାତୀରେ ବ୍ରତଜନନିୟମୈଃ ରୁଦ୍ରଜାପ୍ୟୈର୍ନ ବେଦୈଃ
କ୍ଷନ୍ତବ୍ୟୋ ମେଽପରାଧଃ ଶିବ ଶିବ ଶିବ ଭୋ ଶ୍ରୀ ମହାଦେବ ଶମ୍ଭୋ ॥8॥

ସ୍ଥିତ୍ଵା ସ୍ଥାନେ ସରୋଜେ ପ୍ରଣବମୟମରୁତ୍କୁମ୍ଭକେ (କୁଣ୍ଡଲେ)ସୂକ୍ଷ୍ମମାର୍ଗେ
ଶାନ୍ତେ ସ୍ଵାନ୍ତେ ପ୍ରଲୀନେ ପ୍ରକଟିତବିଭବେ ଜ୍ୟୋତିରୂପେଽପପରାଖ୍ୟେ ।
ଲିଙ୍ଗଜ୍ଞେ ବ୍ରହ୍ମବାକ୍ୟେ ସକଲତନୁଗତଂ ଶଙ୍କରଂ ନ ସ୍ମରାମି
କ୍ଷନ୍ତବ୍ୟୋ ମେଽପରାଧଃ ଶିବ ଶିବ ଶିବ ଭୋ ଶ୍ରୀ ମହାଦେବ ଶମ୍ଭୋ ॥9॥

ନଗ୍ନୋ ନିଃସଙ୍ଗଶୁଦ୍ଧସ୍ତ୍ରିଗୁଣବିରହିତୋ ଧ୍ଵସ୍ତମୋହାନ୍ଧକାରୋ
ନାସାଗ୍ରେ ନ୍ୟସ୍ତଦୃଷ୍ଟିର୍ବିଦିତଭବଗୁଣୋ ନୈବ ଦୃଷ୍ଟଃ କଦାଚିତ ।
ଉନ୍ମନ୍ୟାଽବସ୍ଥୟା ତ୍ଵାଂ ବିଗତକଲିମଲଂ ଶଙ୍କରଂ ନ ସ୍ମରାମି
କ୍ଷନ୍ତବ୍ୟୋ ମେଽପରାଧଃ ଶିବ ଶିବ ଶିବ ଭୋ ଶ୍ରୀ ମହାଦେବ ଶମ୍ଭୋ ॥10॥

ଚନ୍ଦ୍ରୋଦ୍ଭାସିତଶେଖରେ ସ୍ମରହରେ ଗଙ୍ଗାଧରେ ଶଙ୍କରେ
ସର୍ପୈର୍ଭୂଷିତକଣ୍ଠକର୍ଣୟୁଗଲେ (ବିବରେ) ନେତ୍ରୋତ୍ଥବୈଶ୍ଵାନରେ । ୟୁଗଲେ
ଦନ୍ତିତ୍ଵକ୍କୃତସୁନ୍ଦରାମ୍ବରଧରେ ତ୍ରୈଲୋକ୍ୟସାରେ ହରେ
ମୋକ୍ଷାର୍ଥଂ କୁରୁ ଚିତ୍ତବୃତ୍ତିମଚଲାମନ୍ୟୈସ୍ତୁ କିଂ କର୍ମଭିଃ ॥11॥

କିଂ ବାଽନେନ ଧନେନ ବାଜିକରିଭିଃ ପ୍ରାପ୍ତେନ ରାଜ୍ୟେନ କିଂ
କିଂ ବା ପୁତ୍ରକଲତ୍ରମିତ୍ରପଶୁଭିର୍ଦେହେନ ଗେହେନ କିମ ।
ଜ୍ଞାତ୍ଵୈତତ୍କ୍ଷଣଭଙ୍ଗୁରଂ ସପଦି ରେ ତ୍ୟାଜ୍ୟଂ ମନୋ ଦୂରତଃ
ସ୍ଵାତ୍ମାର୍ଥଂ ଗୁରୁବାକ୍ୟତୋ ଭଜ ମନ ଶ୍ରୀପାର୍ବତୀବଲ୍ଲଭମ ॥12॥

ଆୟୁର୍ନଶ୍ୟତି ପଶ୍ୟତାଂ ପ୍ରତିଦିନଂ ୟାତି କ୍ଷୟଂ ୟୌବନଂ
ପ୍ରତ୍ୟାୟାନ୍ତି ଗତାଃ ପୁନର୍ନ ଦିବସାଃ କାଲୋ ଜଗଦ୍ଭକ୍ଷକଃ ।
ଲକ୍ଷ୍ମୀସ୍ତୋୟତରଙ୍ଗଭଙ୍ଗଚପଲା ବିଦ୍ୟୁଚ୍ଚଲଂ ଜୀବିତଂ
ତସ୍ମାତ୍ତ୍ଵାଂ (ମାଂ) ଶରଣାଗତଂ ଶରଣଦ ତ୍ଵଂ ରକ୍ଷ ରକ୍ଷାଧୁନା ॥13॥

ବନ୍ଦେ ଦେବମୁମାପତିଂ ସୁରଗୁରୁଂ ବନ୍ଦେ ଜଗତ୍କାରଣଂ
ବନ୍ଦେ ପନ୍ନଗଭୂଷଣଂ ମୃଗଧରଂ ବନ୍ଦେ ପଶୂନାଂ ପତିମ ।
ବନ୍ଦେ ସୂର୍ୟଶଶାଙ୍କବହ୍ନିନୟନଂ ବନ୍ଦେ ମୁକୁନ୍ଦପ୍ରିୟଂ
ବନ୍ଦେ ଭକ୍ତଜନାଶ୍ରୟଂ ଚ ବରଦଂ ବନ୍ଦେ ଶିବଂ ଶଙ୍କରମ ॥14॥

ଗାତ୍ରଂ ଭସ୍ମସିତଂ ଚ ହସିତଂ ହସ୍ତେ କପାଲଂ ସିତଂ
ଖଟ୍ଵାଙ୍ଗଂ ଚ ସିତଂ ସିତଶ୍ଚ ବୃଷଭଃ କର୍ଣେ ସିତେ କୁଣ୍ଡଲେ ।
ଗଙ୍ଗାଫେନସିତା ଜଟା ପଶୁପତେଶ୍ଚନ୍ଦ୍ରଃ ସିତୋ ମୂର୍ଧନି
ସୋ‌உୟଂ ସର୍ବସିତୋ ଦଦାତୁ ବିଭବଂ ପାପକ୍ଷୟଂ ସର୍ବଦା ॥15॥

କରଚରଣକୃତଂ ବାକ୍କାୟଜଂ କର୍ମଜଂ ବା
ଶ୍ରବଣନୟନଜଂ ବା ମାନସଂ ବାଽପରାଧମ୍ ।
ବିହିତମବିହିତଂ ବା ସର୍ବମେତତ୍କ୍ଷ୍ମସ୍ଵ
ଶିବ ଶିବ କରୁଣାବ୍ଧେ ଶ୍ରୀ ମହାଦେବ ଶମ୍ଭୋ ॥16॥

॥ ଇତି ଶ୍ରୀମଦ ଶଙ୍କରାଚାର୍ୟକୃତ ଶିବାପରାଧକ୍ଷମାପଣ ସ୍ତୋତ୍ରମ ସଂପୂର୍ଣମ ॥

***

 

Credit the Video: Bhakthi Lahari YouTube Channel